Amour souffla contre moy tellement
Qu’il m’eschauffa d’une ardente chaleur,
Chaleur qui fait estre immortellement
Dedens mon cœur une extreme douleur.
Soudain apres il alla, souz couleur
De m’aggreer, souffler contre ma dame,
Et feit geler de grand’ froideur son ame.
Voila pourquoy de moy il ne luy chault.
O faux Amour, est ce à tort qu’on te blasme,
Puis que de toy sort le froid et le chauld ?